ABŞ prezidenti Donald Trampın administrasiyası Üçüncü Dünya müharibəsinin qarşısını aldı.

Qarabaginfo.az Fox News-a istinadla xəbər verir ki, bunu Rusiya Birbaşa İnvestisiya Fondunun (RDIF) rəhbəri, Rusiya prezidentinin xarici ölkələrlə iqtisadi əməkdaşlıq üzrə xüsusi nümayəndəsi Kirill Dmitriyev deyib.

"Biz yaxşı müzakirələr aparırıq. Diplomatlarımız da mümkün nəticələri müzakirə edirlər. Lakin şübhə yoxdur ki, prezident Trampın komandası nəinki Üçüncü Dünya müharibəsinin qarşısını aldı, həm də Ukraynadakı vəziyyətin həllində artıq əhəmiyyətli irəliləyiş əldə edib", - deyə Dmitriyev danışıqların nəticəsini şərh edibb.

O, Moskva və Vaşinqton arasında dialoqun bərpasını müzakirə etdiyini bildirib:

"Bilirsiniz, həqiqətən də, son iki gündə prezident Putinin göstərişi ilə mən burada Vaşinqtonda Tramp administrasiyasının əsas üzvləri ilə görüşdüm. Əsas mövzulardan biri, əlbəttə ki, Rusiya-Amerika münasibətlərinin, dialoqun bərpası, Bayden administrasiyası dövründə tamamilə dayandırılmış və kəsilmiş dialoqdur".

Dmitriyev bildirib ki, ABŞ prezidenti Donald Trampın administrasiyası Rusiyanın mövqeyini eşidir və onun narahatlığını anlayır:

"Ancaq qeyd edərik ki, prezident Trampın administrasiyası, administrasiyanın əsas adamları, onlar Rusiya-Amerika münasibətlərindəki bütün problemlərin həllinə diqqət yetiriblər. Təbii ki, onlar geosiyasi məsələlərin həllinə sadiqdirlər, bir çox məsələlərdə Rusiyanın mövqeyini eşidirlər".