Kanadanın qərbindəki kiçik bir şəhər olan Tambler Rigdə orta məktəbdə və yaxınlıqdakı bir yaşayış yerində baş verən kütləvi atışma nəticəsində şübhəli şəxs də daxil olmaqla 10 nəfər ölüb.

Qarabaginfo.az xəbər verir ki, hadisə nəticəsində azı 30 nəfərin yaralandığı bildirilir.

Hadisənin çərşənbə axşamı yerli vaxtla saat 13:20 radələrində baş verdiyi bildirilir.

Polislər məktəbə daxil olduğu zaman artıq altı nəfər ölüb. Atəş açan olduğu bildirilən şəxs də özünə xəsarət yetirdiyinə görə ölü olaraq ələ keçirilib.

Şübhəlinin şəxsiyyəti və hadisənin motivi ilə bağlı hələ ki, heç bir açıqlama verilmir.