İki ölkə liderləri sərhəddəki vəziyyəti müzakirə edib və sərhədyanı ərazilərdən əlavə hərbi kontingentin çıxarılması barədə razılığa gəliblər.
“Tərəflər dövlət sərhədinin Qırğızıstan-Tacikistan hissəsindəki vəziyyəti müzakirə ediblər. İki ölkənin liderləri atəşi dayandırmaq və qoşunların təmas xəttindən çıxarılması üçün müvafiq strukturlara göstəriş verməyə razılaşıblar”, – Qırğızıstan prezidentinin mətbuat xidməti bildirib.
Qeyd edək ki, sentyabrın 14-dən Tacikistanla Qırğızıstan sərhədində eskalasiya qeydə alınıb. Bu gün Qırğızıstan sərhədçilərinin bildirdiyinə görə, Tacikistan ordusu reaktiv yaylım atəşi sistemlərindən istifadə edib.
