“Bəzi beynəlxalq təşkilatların təmsilçiləri tərəfindən hələ də “Dağlıq Qarabağ ifadəsinin işlədilməsi yolverilməzdir”.
Qarabaginfo.az xəbər verir ki, bunu Milli Məclisin bu gün keçirilən iclasında parlamentin sədri Sahibə Qafarova deyib.
Spiker bunu Yunanıstanda keçirdiyi bütün görüşlərdə qeyd etdiyini bildirib: “Düşünürəm ki, Yunanıstan səfərimiz çox uğurlu keçdi. Orada görüşdüyüm bütün rəsmilərin diqqətinə Azərbaycanın 44 günlük Vətən müharibəsində qazandığı zəfəri, BMT Təhlükəsizlik Şurasının 4 qətnaməsini öz gücünə təmin etdiyini diqqətə çatdırdım”.