"İndiyə kimi 55 uşağa sümük iliyi köçürülüb”.

"Qarabaginfo" xəbər verir ki, Səhiyyə Nazirliyinin mətbuat xidmətindən "Apa.az"a verilən xəbərə görə, bunu nazir Oqtay Şirəliyev Nazirlikdə “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının dördüncü ilinin yekunlarına həsr olunmuş toplantıda deyib. O bildirib ki, ölkədə transplantologiya inkişaf edir: “Vətəndaşlar artıq əməliyyat üçün xaricə getmək zərurətindən azad ediliblər. İndiyə kimi 500 insana böyrək, 100-ə yaxın insana qaraciyər köçürülüb. Bu qrup insanlar zəruri qayğı ilə əhatə ediliblər”.

O. Şirəliyev qeyd edib ki, təcili yardıma müraciətlər son illər iki dəfəyə yaxın artıb: “Təcili yardıma 1000-ə yaxın avtomobil təqdim edilib. Sanaviasiya xidməti göstərilir, zəruri hallarda vətəndaşlara regionlarda, yerlərdə Bakıdan ezam edilən mütəxəssislər tərəfindən xidmət göstərilir”.