ABŞ-ın Vaşinqton ştatının Spokane dairəsində baş verən meşə yanğınları səbəbindən bir neçə yaşayış məntəqəsində ən yüksək – üçüncü səviyyəli təxliyə elan olunub.

Bu barədə CNN məlumat yayıb.

Məlumata görə, yanğın sürətlə yayılaraq artıq 930 hektar ərazini əhatə edib. Yerli hakimiyyət təhlükəli vəziyyətlə əlaqədar sakinlərə yaşadıqları əraziləri dərhal tərk etməyə çağırış edib.

Hazırda Vaşinqton ştatında ümumi sahəsi təxminən 81 min hektar olan 12 iri meşə yanğını qeydə alınıb. Yanğınlarla mübarizəyə əlavə olaraq Milli Qvardiyanın 110 hərbçisi cəlb edilib. "poweroutage.us" portalının məlumatına görə, təbii fəlakət fonunda ştatda 52 mindən çox abonent elektriksiz qalıb.