ABŞ Prezidenti Donald Tramp Venesuelada mümkün hərbi əməliyyat keçirilməsi məsələsində hələlik qəti mövqe formalaşdırmayıb.

Qarabaginfo.az xəbər verir ki, bu barədə The Wall Street Journal nəşri mənbələrə istinadən məlumat yayıb.

Məlumata görə, Tramp son zamanlar ABŞ administrasiyasının yüksəkvəzifəli nümayəndələri ilə söhbətlərində Venesuela prezidenti Nikolas Maduronun hakimiyyətdən güc yolu ilə uzaqlaşdırılması ssenarisinə dair şübhələrini ifadə edib.

Eyni zamanda, nəşr qeyd edir ki, ABŞ prezidenti öz müşavirlərindən mümkün hərbi əməliyyatın alternativ variantları barədə maraqlanmaqda davam edir.