NATO hər birində 5 min hərbçi olmaqla, daha 49 briqada yaratmağı planlaşdırır.

Qarabaginfo.az xəbər verir ki, bu barədə “Die Welt” nəşri Alyansın sənədlərinə istinadən məlumat yayıb.

Bu, NATO qoşunlarının sayının 250 min nəfərədək artmasına gətirib çıxaracaq. Eyni zamanda qoşunların uzaq məsafəli yüksək dəqiqlikli silah və sursatlarla təchizatı, logistika və nəqliyyat vasitələri ilə təmini də nəzərdə tutulur. Hava hücumundan müdafiə bölmələrinin sayı 5 dəfə artırılaraq 293-dən 1467-yə çatdırılacaq. Bu bölmələr “Patriot”, “Iris T-SLM”, “Skyranger” və digər sistemlərlə təchiz olunacaq.

Bunun üçün isə NATO ölkələrinin ümumdaxili məhsulunun 2 faizindən çoxunu hərbi xərclərə ayırması tələb olunur.