“Qələbə planı Rusiya Federasiyasını müharibəni diplomatik yolla bitirməyə məcbur edəcək".

Qarabaqinfo.az xəbər verir ki, bunu Ukrayna prezidenti Volodimir Zelenski Kiyevdə 60-dan çox ölkə və təşkilatın iştirak etdiyi “Krım Platforması”nın yekunlarında deyib.

Məlumata görə, bu sənəd ikinci “sülh sammitində” təqdim edilməlidir. Ukrayna prezidenti bildirib ki, bu plan “Rusiya Federasiyasının bu müharibəni bitirmək qərarına həm psixoloji, həm də siyasi təsir göstərəcək”.

Zelenski bunu ABŞ prezidenti Co Baydenlə müzakirə edəcək, çünki Ukrayna liderinin fikrincə, həyata keçirilməsi əsasən Vaşinqtondan asılıdır.

Eyni zamanda, Ukrayna prezidenti qeyd edib ki, hazırda heç kimə Rusiya ilə sülh danışıqları aparmaq səlahiyyəti verməyib.

Zelenski həmçinin müttəfiqlərini pilotsuz təyyarələrin istehsalını maliyyələşdirməyə çağıraraq, onların Ukraynada istehsalının “daha ​​sürətli və daha ucuz” olduğunu qeyd edib.

Bundan əlavə, Zelenski Rusiya ərazisinin dərinliklərində uzaq mənzilli Qərb silahları ilə zərbə endirmək üçün danışıqların davam etdirildiyini açıqlayıb.