Türkiyə və Ermənistanın xüsusi nümayəndələri görüş keçirəcək.

Qarabaginfo.az xəbər verir ki, bu barədə Türkiyə mətbuatı məlumat yayıb.

Məlumata görə, sabah Türkiyə-Ermənistan sərhədində danışıqların beşinci raundu baş tutacaq.

Dörüş səhər Ermənistan, günorta isə Türkiyə tərəfində keçiriləcək.

Xüsusi nümayəndələr Ruben Rubinyan və Serdar Kılıç sonuncu dəfə 2022-ci il iyunun 1-də Vyanada görüşüblər, bu, onların dördüncü rəsmi görüşü olub. Bu görüşdə tərəflər quru sərhədinin tez bir zamanda üçüncü ölkə vətəndaşları üçün açılması barədə razılığa gəliblər. Lakin bu məsələnin həyata keçirilməsində heç bir irəliləyiş yoxdur.