"Yeni dövrdə biz fəlakətlərə davamlı, dayanıqlı və möhkəm yaşayış məntəqələri yaradacaq, şəhərlərimizi iqlim dəyişikliyinə uyğunlaşdıracağıq".

Qarabaqinfo.az TRT-yə istinadən xəbər verir ki, bunu Türkiyə prezidenti Rəcəb Tayyib Ərdoğan deyib.

"Biz ətraf mühitə həssas olan, yaşıl inkişaf siyasətini qəbul edən və sıfır tullantı modelini həyata keçirən davamlı bələdiyyə idarəçiliyini dəstəkləyəcəyik.

Kənd yerlərində həyat səviyyəsini yüksəltməklə biz insanları doğulub boya-başa çatdıqları yerdə qalmağa təşviq edəcəyik. Ölkəmizi memarlıq estetikası, tarixi və mədəni sərvətləri qorunub saxlanılan dinc və təhlükəsiz şəhərlərlə təmin edəcəyik".