"Bizim müqəddəs yerimiz olan Əl-Əqsa məscidi bizim üçün qırmızı xətdir" 

"Türkiyə Qəzza bölgəsində Fələstin xalqını və qardaşlarımızı müdafiə edir" 

 

Türkiyə prezidenti Rəcəb Tayyip Ərdoğan avqustun 8-də öz çıxışında İsraili kəskin şəkildə pisləyib. O, bəyab edib ki, onun ölkəsi "İsrail qüvvələrinin Qəzza bölgəsindəki fəaliyyətini pisləyir. "Uşaqların qətlinə heç nə ilə haqq qazandırmaq olmaz".

 

Qarabaginfo.az xəbər verir ki, bu barədə İsrail mətbuatı yazır.

 

Öz nitqində Ərdoğan Qüds məsələsinə də toxunub.

 

"Biz aydın şəkildə bəyan edirik ki, bizim müqəddəs yerimiz olan Əl-Əqsa məscidi bizim üçün qırmızı xəttdir", - siyasətçi bəyan edib.

 

Türkiyə liderinin tənqidi iki ölkə arasında münasibətlərin yaxşılaşması fonunda səsləndirilib.

 

Martın 9-da İsrail prezidenti Ankaraya rəsmi səfərə gedib. O zaman onun türkiyəli həmkarı bəyan edib ki, "bu tarixi səfər Türkiyə ilə İsrail arasında münasibətlərdə dönüş nöqtəsi olacaq".

 

Sonradan müsəlman ölkəsinin XİN rəhbəri Mövlud Çavuşoğlu İsraili ziyarət edib.

 

Türkiyə prezidenti öz çıxışında iki ölkə arasında münasibətlərin istiləşməsi prosesinə də toxunub. 

 

"Bizim İsraillə münasibətlərimiz düzgün məcraya dönüb. Biz bundan bizim Fələstin qardaş-bacılarımızın hüquqlarının qorunması üçün istifadə edirik", - Ərdoğan bəyan edib.

 

Sonda Türkiyə lideri deyib: "Türkiyə Qəzza bölgəsində Fələstin xalqını və bizim qardaşlarımızı müdafiə edir".