Qarabaginfo.az xəbər verir ki, bunu Ermənistan parlamentinin “Vətəndaş müqaviləsi” fraksiyasının üzvü Hovik Ağazaryan deyib.

Onun sözlərinə görə, bu, Azərbaycana müharibə elan etməyə bərabərdir.

“Əgər biz Qarabağın (qondarma qurum – red.) “müstəqilliyi”ni dövlət səviyyəsində tanısaq, bu, Azərbaycana müharibə elan etməyə bərabərdir. Danışıqların bütün qapıları bağlı olacaq”, - deyə Ağazaryan qeyd edib.

O əlavə edib ki, Ermənistanın Azərbaycana heç bir ərazi iddiası yoxdur, Azərbaycanın ərazi bütövlüyünü tanıyır.

““Qarabağ Ermənistandır, vəssalam” “Qarabağ Ermənistan Respublikasıdır, vəssalam” demək deyil. Biz nizamlanma prosesində iştirak edən beynəlxalq tərəfdaşlarımıza hörmət edərək Qarabağın heç vaxt Azərbaycanın bir hissəsi olmayacağını söyləməkdən çəkinirik”, - deyə Ağazaryan bildirib.