Tarix: 21-03-2022 | Saat: 15:30
Bölmə:Karusel / Siyasət | çapa göndər
Qarabaginfo.az xəbər verir ki, bu barədə Ermənistan Xarici İşlər Nazirliyinin mətbuat xidməti məlumat yayıb.
Qeyd olunur ki, telefon danışığı zamanı tərəflər Ermənistan-Rusiya əməkdaşlığı, yüksək səviyyəli qarşılıqlı səfərlər, diplomatik münasibətlərin qurulmasının 30 illiyinə həsr olunmuş tədbirləri müzakirə ediblər.
Xarici işlər nazirləri 9 noyabr 2020-ci il, 11 yanvar və 26 noyabr 2021-ci il tarixli üçtərəfli bəyanatda nəzərdə tutulan sazişlərin icrasını müzakirə ediblər.
Mirzoyan Ermənistan və Azərbaycan arasında sülh müqaviləsi üzrə danışıqların başlanması ilə bağlı erməni tərəfinin mövqeyini Lavrova təqdim edib. Bu kontekstdə o, ATƏT-in Minsk qrupunun həmsədrlərinin rolunu vurğulayıb.
Erməni nazir rusiyalı həmkarına Azərbaycandan şikayət edib və Bakını atəşkəs rejimini pozmaqda təqsirləndirib.
Tərəflər Ermənistan-Türkiyə münasibətlərinin normallaşması prosesinə də toxunub, regional və beynəlxalq təhlükəsizlik məsələləri ətrafında fikir mübadiləsi aparıblar.
Digər xəbərlər
