BMT simvolikasının istifadəyə yalnız BMT Təhlükəsizlik Şurasının təsdiqlədiyi və təşkilatın sülhməramlı mandatının icrasını nəzərdə tutan əməliyyatlar zamanı yol verilə bilər.

Qarabaginfo.az BMT-nin rəsmi saytına istinadən xəbər verir ki, bu barədə təşkilatın mətbuat katibi Stefan Dyujarrik Qazaxıstandakı hadisələr zamanı BMT simvolikası olan mavi dəbilqəli hərbçilərin görüntülərini şərh edərkən bildirib.

O, BMT simvolikasının istifadə olunması ilə bağlı Qazaxıstanın BMT-dəki daimi nümayəndəliyinə müraciət etdiklərini və məsələnin yoluna qoyulduğunu əlavə edib.

Xatırladaq ki, Qazaxıstandakı hadisələr zamanı britaniyalı fotojurnalist Ceyk Harnahan BMT simvolikası olan hərbçilərin fotolarını çəkmişdi.