Britaniya Baş naziri Kir Starmer hesab edir ki, Britaniya Kralı III Çarlzın qardaşı Endryu ABŞ Konqresi qarşısında məşhur maliyyəçi Ceffri Epşteynin işi ilə bağlı ifadə verməlidir.

Qarabaginfo.az xəbər verir ki, bu barədə “The Times” qəzeti məlumat verib.

Qeyd edək ki, Endryunun Epşteyn işi ilə bağlı ABŞ Konqresi qarşısında ifadə vermək üçün çağırış vərəqəsini qulaqardına vurduğu ilə bağlı xəbərlər yayılmışdı.

Çağırışda cavab üçün son tarix 20 noyabr olaraq təyin olunmuşdu.

"Uzun müddətdir riayət etdiyim ümumi prinsip ondan ibarətdir ki, bu cür işlərlə bağlı müvafiq məlumatı olan hər kəs həmin məlumata ehtiyacı olanlara ifadə verməlidir", - Starmer bildirib.