Bolqarıstan Prezidenti Rumen Radev “Lukoil”in Bolqarıstandakı aktivlərinin satışını Dövlət Milli Təhlükəsizlik Agentliyinin (SANS) müsbət rəyinə bağlayan qanun dəyişikliyinə veto qoyub.

Qarabaginfo.az Bolqarıstan mediasına istinadən xəbər verir ki, oktyabrın 24-də qəbul edilmiş “İnvestisiyaların Təşviqi Qanununa Əlavə Haqqında Qanuna” əsasən, “Lukoil”in Bolqarıstanda sahib olduğu aktivlərin satışı yalnız Dövlət Milli Təhlükəsizlik Agentliyinin (SANS) müsbət rəyinə əsaslanan Nazirlər Kabinetinin qərarı ilə həyata keçirilə bilərdi.

Qanunda qeyd olunurdu ki, SANS ilkin araşdırma aparmalı və “Lukoil-Bulgaria” EOOD, “Lukoil Neftochim Burgas” AD, “Lukoil Aviation Bulgaria” EOOD və “Sustainable Energy Supply” EOOD şirkətlərindəki pay və səhm satışına dair yazılı rəy təqdim etməlidir.

Bolqarıstan Prezidenti bildirib ki, bu qanun Nazirlər Kabinetini funksional baxımdan Dövlət Milli Təhlükəsizlik Agentliyinin rəyindən asılı vəziyyətə gətirir və bu da konstitusiyaya görə qəbuledilməzdir.