“Microsoft Windows” əməliyyat sistemində yaranmış qlobal xəta Gürcüstanın Kutaisi hava limanının işinə təsir göstərib.

Qarabaginfo.azxəbər verir ki, “Wizz Air” aviaşirkətinin bəyanatında yaranmış çətinliklə əlaqədar sərnişinlərdən uçuşdan azı 3 saat öncə hava limanına gəlmələri istənilib. Aviaşirkət həmçinin öz vebsaytından və tətbiqindən istifadə zamanı problemlərlə üzləşə biləcəyi ilə bağlı xəbərdarlıq edib.
Gürcüstanın Hava Limanları Birliyinin məlumatında isə bildirilib ki, qlobal problemlə əlaqədar Berlin hava limanı Kutaisidən uçuşu qəbul edə bilməyib, bu səbəbdən təyyarə Poznana eniş edib.