“Vaşinqtonda Azərbaycan və Ermənistanın XİN rəhbərləri arasında keçiriləcək danışıqların yeni tarixi yaxın zamanlarda açıqlanacaq”.

Qarabaginfo.az “Armenpress”ə istinadən xəbər verir ki, bu barədə məlumatı Ermənistan xarici işlər nazirinin müavini Vahan Kostanyan açıqlayıb. 

Onun sözlərinə görə, hazırda görüşün tarixi barədə müzakirələr aparılır: “Düşünürəm ki, tezlikə bu barədə məlumatı ictimaiyyətə açıqlaya biləcəyik”.

Xatırladaq ki, daha əvvəl Ermənistan XİN-in mətbuat katibi Ani Badalyan Azərbaycan və Ermənistan xarici işlər nazirləri arasında danışıqların növbəti raundunun iyunun 12-də başlayacağını bildirmişdi. Görüş daha sonradan təxirə salınıb.