Rusiya ABŞ-ın Bakı və Xankəndi (məlumatda qondarma "Stepanakert" adından istifadə olunub - red.) arasında dialoqda vasitəçilik xidmətlərini tətbiq etməyə çalışdığı məlumatlardan narahatdır. 

Qarabaginfo.az xəbər verir ki, bu barədə Rusiya Xarici İşlər Nazirliyindən "RİA Novosti"yə verilən məlumatda qeyd olunub.

"Söhbət o cümlədən hədə-qorxu ilə tətbiqdən gedir. Bu, ABŞ-dan olan vasitəçilərin adekvatlığına dair suallar yaradır", - Rusiya XİN-in məlumatında vurğulanıb.

Qeyd edək ki, bundan əvvəl "RİA Novosti" ABŞ-dakı diplomatik mənbələrdən "Vaşinqtonun Qarabağdakı separatçıları Bakı ilə dialoqa məcbur etdiyi, əks təqdirdə antiterror əməliyyatları ilə hədələdiyi" barədə guya məlumat əldə etdiyini iddia etmişdi.