Bunu Güney Azərbaycan Milli Oyanış Hərəkatının ABŞ-da mühacirətdə yaşayan lideri, doktor Mahmudəli Çöhrəqani Moderator.az-a özəl açıqlamasında deyib. 

 

 

“Ədalət budur ki, xalqa zülm verilməməlidir, heç bir xalq, heç bir etnik rasizmə, faşizmə məruz qalmamalıdır. Bütün ölkə vətəndaşlarına eyni gözlə baxılmalı, onların insan kimi var olmaq və yaşamaq hüquqları tanınmalıdır. Ümid edirəm ki, yaxın gələcəkdə böyük bir olay, uzun illərdir gözlədiyimiz tarixi hadisə baş  verəcək. Fars, faşist molla rejimi məhv olacaq və Güney Azərbaycan öz azadlığına, özgürlüyünə, hürriyyətinə, istiqbalına qovuşacaq. Bölünmüş vətənimiz Bütöv Azərbaycanın, 50 milyonluq xalqın və liderlərinin iradəsi ilə bütöv olacaq”.  

 

 

“Türkiyəli qardaşlarımız demişkən, şəhidlər ölməz, Vətən bölünməz. Vətəni 10 milyon  dəfə kiçiltsək, 5 nəfərlik bir ailə, bir ev olar. Nə ev parçalanar, nə də o evdə yaşayan ailə. Bizim də insani, milli haqqımızdır ki, millətimiz birləşsin, Vətənimiz bütövləşsin. Və bu mütləq olacaq. 2003-cü ildə Bakıya ilk səfərimdə demişdim ki, bu tiknalı telləri millətimiz öz istəkləri ilə çəkməyib, millətimizin düşmənləri çəkib bu tikanlı məftilləri. Vətənimizi Güney və Qüzey Azərbaycan olaraq ikiyə bölüblər. Millətimizin iradəsi bütövləşəndə, birləşəndə həmin telləri söküb atacağıq və Bütöv Azərbaycan qurulacaq”.