Amerika QHT-ləri Azərbaycan və İsrail əleyhinə işləyir və bu fəaliyyətlərinə görə ciddi vəsait əldə edirlər.

“Qarabaginfo" xəbər verir ki, bu barədə nüfuzlu "Newsweek" nəşrinin dərc etdiyi materialda deyilir.

“İsrail ikili standartlara öyrəşməyib. Bəzi insan haqları qrupları İsraili təcrid etmə öhdəliyini üzərlərinə götürüblər, ancaq eyni zamanda digər ölkələr tərəfindən edilən qanun pozuntularına və cinayətlərə göz yumurlar”, - deyə məqalənin müəllifi, Haim Salomon Xəbərlər Mərkəzinin prezidenti Pol Miller qeyd edir.

“İsraildən fərqli olaraq, Ermənistan QHT dünyasında “sevimli” hesab edilir”, - deyə nəşr yazır.

“Human Rights Watch” hüquq müdafiəsi təşkilatının Yaxın Şərq və Şimali Afrika işləri üzrə bölməsinin sabiq direktoru və Kuinsi İnstitutu nəzdində Corc Sorosun maliyyələşdirdiyi tədqiqatlar və siyasət bölməsinin sabiq direktoru Sara Liya Uitson bu ikili standartların parlaq təcəssümüdür. Hər iki təşkilat daim İsrailin qatı tənqidçisi olub, lakin Azərbaycan ərazilərinin Ermənistan tərəfindən işğalını pisləməyib.

Görünür, Ermənistan tərəfindən işğal edilən, - bu fakt BMT Təhlükəsizlik Şurasının bir neçə qətnaməsi ilə təsdiqlənib, - Azərbaycanın Dağlıq Qarabağ regionunda qeyri-qanuni yaşayış yerlərinin tikintisinə Uitsonun heç bir şübhəsi yoxdur. Uitson Qarabağı “Ermənistanın ayrılmaz hissəsi” hesab edən Amerikanın erməni milli komitəsi üçün 2018-ci ildə vəsait toplanmasını həyata keçirib”, - deyə qeyd edilir.

Bununla yanaşı, məqalədə qeyd olunur ki, Uitson çoxdan İsrailə qarşı düşmənçiliyi təbliğ edir və Dağlıq Qarabağın erməni işğalını dəstəkləyir. Bu davranış isə koqnitiv dissonans kimi təsvir edilə bilər. Nəşr Uitsonun ikiüzlülüyündə tək olmadığını qeyd edir:

“Rokfeller qardaşları fondu daha ədalətli, davamlı və dinc dünyaya təşviq edən sosial dəyişiklik uğrunda” çalışdıqlarını bildirir, ancaq İsrailə qarşı boykot və sanksiya təbliğatı aparan qeyri-hökumət təşkilatlarını maliyyələşdirir. Yeri gəlmişkən, Ermənistan prezidenti ilə RQF rəhbəri əməkdaşlıq imkanlarını müzakirə etmək üçün 2019-cu ilin fevralında görüşüblər”.

Nəşr beynəlxalq QHT-lər tərəfindən Azərbaycana qarşı göstərdikləri digər ikili standartlara da nümunələr gətirir.

Bir neçə ay əvvəl Demokratiyanın Müdafiəsi Fondunun (FDD) dərc etdiyi məruzədə müxtəlif ölkələrin hökumətləri və qeyri-hökumət təşkilatları tərəfindən selektiv tənqidə münasibətdə “beynəlxalq sistemdə daha dərin problemlər” qeyd olunub. Məruzə müəlliflərinin fikrincə, Ermənistan “Dağlıq Qarabağın işğalından sonra əsasən simvolik qarşıdurma ilə üzləşib və ona qarşı hansısa konkret sanksiyalar tətbiq edilməyib və ya üzərinə öhdəliklər qoyulmayıb. BMT Təhlükəsizlik Şurasının qətnamələrində Azərbaycan Respublikasında böyük sayda dinc əhalinin məcburi köçürülməsi və Azərbaycan ərazilərinin işğal olunması pislənilir. Lakin onlar təcavüzkarın birbaşa identifikasiyasından vaz keçdilər...”, - deyə müəllif məruzənin mətninə istinad edərək yazır.

“QHT dünyasındakı ermənilərin demək olar ki, tərəfdarları kimi çıxış edən və erməni məsələsini dəstəkləyən təşkilatlar, xeyriyyə təşkilatları, hətta siyasətçilər də hüquqi mübahisələrə və korrupsiyaya cəlb olundular. “2018-ci ildə “Hayastan” fondunun direktoru Ara Vardanyan mənimsəmə ittihamı ilə həbs edildi. FTB agenti Babak Brumand isə Kaliforniyada federal hüquq mühafizə orqanlarına yaxşı tanış olan erməni mütəşəkkil cinayətkarlığı ilə əlaqəli bir vəkildən rüşvət aldığına görə tutuldu”, - məqalədə qeyd edilir.

Həmçinin, əlavə edilir ki, korrupsiya, ikili standartlar və açıq antisemitizm sayəsində bir sıra Ermənistan tərəfdarlarının son dərəcə şübhəli dəyərləri yaydıqları məlum olur.