Qazaxıstan Baş Prokurorluğu çeçen fəal Mənsur Mövlayevin Rusiyaya ekstradisiyasını təsdiqləyib.

Qarabaginfo.az xəbər verir ki, bu barədə qazaxıstanlı hüquq müdafiəçisi Murad Adam məlumat yayıb.

Onun sözlərinə görə, prokurorluq bu qərarı yanvarın 29-da qəbul edib.

Bildirilib ki, Mövlayev 30 gün ərzində Rusiyaya təhvil verilməlidir.

Hazırda Almatıdakı istintaq təcridxanasında saxlanılan Mövlayevin vəkilləri bu qərardan məhkəməyə müraciət ediblər. Onun müdafiəçiləri qərarı qanunsuz hesab ediblər və bildiriblər ki, Rusiya onu öldürəcək.

Qeyd edək ki, 2025-ci ilin dekabrında Qazaxıstan Mənsur Mövlayevə sığınacaq verməkdən imtina etmişdi.