Qarabaginfo.az xəbər verir ki, bu barədə Sumı Regional Dövlət Administrasiyasının sədri Dmitri Jivitski məlumat verib.

Onun sözlərinə görə, martın 1-də Kopti-Baçevsk magistralını Ukrayna hərbçiləri nəzarət altına alıb.

"Bizim hərbçilər Rusiyadan Ukraynaya girişi bağlayıb, iki yerdə maneələr düzəldiblər”, - deyə o bildirib və əlavə edib ki, hazırda bu marşrut Sumı vilayətinin müdafiə qüvvələri tərəfindən idarə olunur.

Bundan əvvəl, fevralın 26-da Rusiya hərbçiləri Sumı vilayətində Kopti-Baçevsk avtomobil yolunu ələ keçirib. Marşrut Koptıdan (Çerniqov vilayətində kənd) başlayır, Baturin, Krolevetsdən keçir və Rusiya Federasiyası ilə sərhəddə yerləşən Baçevsk keçid məntəqəsində başa çatır. Bu, Kiyev-Moskva magistralının bir hissəsidir.