“Rusiyanın təhlükəsizlik zəmanətləri ilə bağlı ABŞ və NATO-ya cavabı son mərhələdədir”.

Qarabaginfo.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova “Соловьев Live” yutub kanalının efirində deyib.

“Bizim cavabımız demək olar ki, hazırdır. Dünən müdafiə naziri və xarici işlər naziri Prezidentə cavabın hazırlığının son mərhələdə olduğu barədə məlumat veriblər”, - deyə Zaxarova qeyd edib.

Xatırladaq ki, Vladimir Putin dünən Sergey Lavrov və Sergey Şoyqu ilə təhlükəsizlik üzrə ABŞ və NATO ilə danışıqların davam etdirilməsini müzakirə edib.