"1500-dən artıq şəxsin müasir peşələr üzrə kurslara cəlb edilməsinə nail olmuşuq". 

Qarabaqinfo.az xəbər verir ki, bunu Dövlət Məşğulluq Agentliyinin sədri Mustafa Abbasbəyli bu gün keçirdiyi mətbuat konfransında deyib.

Onun sözlərinə görə, bu il 16 700-dən çox şəxsin özünüməşğulluq proqramına cəlb edilməsi planlaşdırılır: 

"Bu ilin ilk 4 ayı ərzində 2500 işdən sığorta təyinatı olub. Göstəricinin 10 minin üzərinə çatdırılması nəzərdə tutulub. Böyük qayıdış çərçivəsində azad olunan ərazilərdə işlə təminat məsələsinə baxılır. Qazilərin orada işə cəlb olunmasina xüsusi önəm veriləcək".