Ukrayna və Polşa 125 millimetrlik tank mərmilərinin birgə istehsalına dair razılığa gəliblər.

Qarabaqinfo.az "Strana" nəşrinə istinadən xəbər verir ki, bu barədə ölkənin strateji sənaye naziri Aleksandr Kamışin bildirib.

Müvafiq memorandum Ukrayna prezidenti Volodimir Zelenskinin dünən Polşaya səfəri zamanı imzalanıb. Kamışinin sözlərinə görə, sursat istehsalını artırmaq indi onun nazirliyinə həvalə edilmiş əsas vəzifədir.

"Ukroboronprom" şirkəti hələ mart ayında elan edib ki, adı açıqlanmayan NATO ölkəsi ilə birlikdə tank üçün 125 millimetrlik mərmi istehsalına başlayıb. Belə mərmilər Sovet tankları T-64, T-72 və T-80 tərəfindən istifadə olunur.