"Rusiya birinci raundda qalib görünür, lakin Qazaxıstanda qalib gəlməsi çox çətin olacaq"
Tarix: 11-01-2022 | Saat: 21:51
Bölmə:Karusel / Region | çapa göndər
1232 dəfə oxunub.
Digər xəbərlər
Tarix: 11-01-2022 | Saat: 21:51
Bölmə:Karusel / Region | çapa göndər
Amerikalı analitik, Amerikanın keçmiş Dövlət Katibi Ceyms Beykerin (James Baker) Sovet Vətəndaşlığı və Baltikyanı işlər üzrə xüsusi müşaviri Pol Qobl (Paul Goble) Qazaxıstanda baş verən qarşıdurmalarla bağlı Moderator.az-ın suallarını cavablandırıb.
Qarabaginfo.az müsahibəsini təqdim edir:
- Sizə də məlum olduğu kimi Qazaxstanda son günlərdə qarşıdurmalar yaşanmaqdadır. Bəziləri bunu sosial partlayış, Qazaxstan rəhbərliyi isə terror hadisələri adlandırır. Bu barədə nə düşünürsünüz?
- Düşünürəm hakimiyyətə qarşı xalq qiyamı var ki, Qazaxstan hökuməti daxilindəki müxtəlif qruplaşmalar və Rusiya kimi xarici iştirakçılar bundan öz xeyirləri üçün istifadə etməyə çalışırlar. İnanmıram ki, bu hadisələri qarşılaşdığı çətinliklərdən dolayı çıxılmaz vəziyyətə düşən və üsyan qaldıran Qazax xalqından başqa hər hansı bir qüvvə yaradıb.
Məncə bu hadisələr kütlənin uzun müddətli qəzəbindən doğan və sürətlə bir bölgədən digərlərinə yayılan sosial partlayışdır.
- Son illərdə Qazaxstan hökumətində ikihakimiyyətlilik yarandı. Bir tərəfdə Nazarbayev, digər tərəfdə isə Tokayevin komandası cəmlənmişdi.Sizcə məhz bu səbəb hazırda istehfada olan hökumətdə korrupsiya faktlarının artmasına səbəb oldumu?
- Doğru vurğulayırsınız. Hökumət daxilindəki parçalanmalar heç bir halda yaxşı nəticələr vermir və bundan daha çox əziyyət çəkən isə xalq olur.
İkihakimiyyətlilik zamanı hər bir tərəf bir-birini izləyərək korrupsiya faktlarını yoxlayaraq bunun qarşısını almağa çalışa bilərdilər. Digər halda isə vurğuladınız kimi tərəflərdən biri və ya hər ikisi arzu etdiklərini ələ keçirməyə çalışdıqca, bu hökumət daxilində daha çox korrupsiyaya səbəb ola bilər .
- Qazaxstanda hazırda baş verən hadisələrin sonunda qalib tərəf olaraq kimi görürsünüz? Nazarbayev, Tokayev, KTMT adı ilə ölkəyə daxil olan Rusiya, yoxsa demokratiya arzusunda olan Qazax xalqı?
- Bu suala tam cavab vermək hələ tezdir. Rusiya birinci raundda qalib görünür, lakin oyunun sonunda Qazaxstanda qalib gəlməsi çox çətin olacaq. Hadisələrin gedişi onu göstərir ki, Tokayev Nazarbayevi hakimiyyətdən kənarlaşdıraraq bütün gücə sahib olmağa doğru irəlliləyir. Demokratiyanın qazanma ehtimalı isə hələ çox azdır. İndi son hadisələrə baxsaq görərik ki, on gün öncə Qazaxstanda demokratiyanın qalib gəlməsi indikindən daha real görünürdü.
- Bəs necə düşünürsünüz, Tokayevin Rusiyanı (KTMT adı ilə) Qazaxstana dəvət etməsində əsas səbəb nə idi?
- Düşünürəm ki, Tokayev qısa müddətdə baş verən etirazlardan dolayı panikaya düşdü və qərara gəldi ki, onu hakimiyyətdə saxlaya biləcək yeganə yol kənardan hərbi qüvvə cəlb etməkdir. Çünki o bilirdi ki, daxili təhlükəsizlik orqanları qazax xalqını güllələmək əmrinə əməl etməyəcəkdilər. Səbəb isə o idi ki, Qazaxıstanın güc strukturlarında çalışan şəxsələr küçələrdəki Qazaxlarla eyni millətin nümayəndələridirlər .
- Yuxarıdakı sualımın cavabları arasında ola bilərmi ki, Tokayev Nazarbayevi hakimiyyətdən uzaqlaşdırmaq üçün olacaqları əvvəlcədən planlaşdırsın?
- Mən əminəm ki, Tokayev Nazarbayevi öz yolundan kənarlaşdırmaq istəsin , amma düşünmürəm ki, etirazları o təşkil etsin. Əvəzində isə Tokayev də oyunun digər iştirakçıları kimi kütləvi etirazlardan öz məqsədləri üçün istifadə etməyə çalışır.
- Son olaraq bilmək istərdik ki, Rusiyanın Kollektiv Təhlükəsizlik Müqaviləsi adı ilə Qazaxstana daxil olması hansı nəticələri verə bilər?
- Rəsmi Moskva bu cür davranışları ilə başqa yerlərdə, xüsusən də Ukraynada istifadə edə biləcəyi bir president yaratmaq istəyir. Qərb açıq şəkildə bildirməlidir ki, Rusiya bu cür hərəkətlərə yəni demokratik çağırışlara qarşıdır. Hər şeydən əvvəl qeyri-Rusiya ölkələrinə göstərməliyik ki, diktaturanın deyil, demokratiya və xalq hakimiyyətinin tərəfdarıyıq.
Hər kəs başa düşməlidir ki, Rusiyanın bu cür hərəkətləri nəticəsiz qalacaq.
Xəbəri paylaş
Digər xəbərlər
25-04-2022, 17:54
"Azad Azərbaycan" radiosunun yayımı 3 saatlıq dayandırılacaq
1-12-2023, 17:44
İsveçrə rusların 8,8 milyard dollarlıq aktivlərini dondurub
17-05-2022, 11:56
İsrailin kənd təsərrüfatı naziri: "Qarabağ regionunda əməkdaşlıq üçün yaxşı potensial var"
4-10-2017, 17:03
Gömrük Komitəsi yağın bahalaşması xəbərinə belə reaksiya verdi
26-08-2022, 17:01
Tarif Şurasının bu səlahiyyəti ləğv edildi
29-01-2022, 18:26
Bolqarıstanın Baş naziri: "Azərbaycan qazı Nea Mesimvria üzərindən nəql oluna bilər"
20-05-2022, 10:17
Azərbaycan nefti bahalaşdı
10-03-2022, 22:00
Jovkva: "Zelenski Putinlə danışmağa hazırdır"
31-03-2022, 11:34
Çavuşoğlu Türkiyənin Ukraynaya hərbçi göndərməsi ilə bağlı fikirlərə aydınlıq gətirib
7-07-2023, 11:17
Güney Azərbaycandakı görkəmli tarixi məkanlardan biri - ŞƏHƏRYERİ