Dünya ərzaq məhsullarının qiymət indeksi yanvar ayında 4,3% artaraq 113,3 bəndə çatıb. Bu, ardıcıl olaraq səkkizaylıq artımdan başqa, həm də 2014-cü ilin iyul ayından bəri ən yüksək aylıq göstərici kimi qeydə alınıb.

Qarabaqinfo.az-in məlumatına görə, bu barədə BMT-nin Qida və Kənd Təsərrüfatı Təşkilatının (FAO) hesabatında deyilir.

Ötən ilin dekabr ayı ilə müqayisədə FAO-nun taxıl qiyməti indeksi 7,1% artaraq 124,2 bəndə çatıb. Qlobal qarğıdalı qiymətləri təkcə yanvarda 11,2%, 2020-ci ilin analoji dövrü ilə müqayisədə isə 42,3% artıb.