Hazırda Ukraynaya maliyyə yardımı göstərən yeganə mənbə Avropadır.
Qarabaginfo.az xəbər verir ki, bu barədə Fransanın xarici işlər naziri Jan-Noel Barro bildirib.

O, Ukrayna Prezidenti Volodimir Zelenskinin Davosda keçirilən Dünya İqtisadi Forumunda Avropanın Kiyevə dəstəyinin yetərsiz olması ilə bağlı səsləndirdiyi fikirlərə münasibət bildirərkən bunu deyib.

“Bu gün Ukraynaya göstərilən maliyyə yardımının 100 faizi Avropadan gəlir. Kəşfiyyat və hərbi dəstəyin əsas hissəsi də Avropa tərəfindən təmin olunur,” – deyə Barro "Liberation" qəzetinə müsahibəsində bildirib.

Qeyd edək ki, Zelenski yanvarın 22-də Davosdakı çıxışında Avropa İttifaqını siyasi qərarlarda tərəddüd göstərməkdə tənqid etmişdi.