Avropa energetika, təhlükəsizlik və digər əsas sahələrdə hələ də digər qlobal oyunçulardan həddən artıq asılı vəziyyətdə qalır.
Qarabaginfo.az xəbər verir ki, bu fikri Fransanın xarici işlər naziri Jan-Noel Barro "Liberation" qəzetinə müsahibəsində bildirib.

Nazirin sözlərinə görə, COVID-19 pandemiyasından sonra Ukraynadakı münaqişə Avropanın enerji, ərzaq və tibbi sahələrdə asılılığının miqyasını açıq şəkildə göstərib.

Onun fikrincə, Qrenlandiya ətrafında yaranmış vəziyyət də buna təsir edib.

Barro hesab edir ki, Avropa ölkələri öz təhlükəsizliklərini müstəqil şəkildə təmin etmək üçün yenidən silahlanmanı və müdafiə imkanlarının gücləndirilməsini davam etdirməlidir.