Slovakiyanın Baş naziri Robert Fitso bildirib ki, NATO-nun Ankara sammitinin yekun bəyannaməsində üzv dövlətlər üçün Ukraynanın maliyyələşdirilməsi ilə bağlı məcburi öhdəlik nəzərdə tutulmayacaq.

Qarabaginfo.az xəbər verir ki, bu barədə Fitso "Facebook" hesabında yayımladığı videomüraciətdə deyib.

Baş nazir qeyd edib ki, bu barədə NATO-nun Baş katibi Mark Rütteyə məktub göndərib və Slovakiyanın Ukrayna üçün yeni maliyyə mexanizmlərində iştirak etməyəcəyini bildirib.

Fitsonun sözlərinə görə, Rütte cavab məktubunda təsdiqləyib ki, Ankara sammitinin yekun sənədi heç bir üzv dövləti Ukrayna ilə bağlı maliyyə qərarı qəbul etməyə məcbur etməyəcək.