Kosta-Rikada 1 fevral tarixində prezident və parlament seçkiləri keçiriləcək.

Qarabaginfo.az xəbər verir ki, bu seçkilərdə ölkə vətəndaşları yeni prezident, iki vitse-prezident, eləcə də Qanunverici Assambleyanın (birpalatalı parlament) 57 deputatdan ibarət tam tərkibini seçməlidirlər.

Konstitusiyaya görə, hazırkı prezident Rodriqo Çaves Roblesin ardıcıl ikinci müddətə namizədliyini irəli sürmək hüququ yoxdur.

Namizədlərdən heç biri birinci turda səslərin 40%-dən çoxunu toplaya bilməsə, qalibi müəyyən etmək üçün ikinci tur tələb oluna bilər.

Qeyd edək ki, seçkilərdə prezidentlik uğrunda 20 namizəd mübarizə aparacaq.