Neft-qaz gəlirlərinin planlaşdırılandan az olması ilin əvvəlində federal büdcədə kəsirin formalaşmasına səbəb ola bilər.

Qarabaginfo.az xəbər verir ki, bu barədə Rusiya Maliyyə Nazirliyinin müavini Vladimir Kolyçev Dövlət Dumasının kuluarlarında jurnalistlərə açıqlama verib.

Onun sözlərinə görə, yanvar ayında neft qiymətləri hələ də aşağı səviyyədə qalır və bu da neft-qaz gəlirləri üzrə çatışmazlıq yaradır.

“Neft-qaz gəlirlərinin ötən illə müqayisədə daha aşağı olması səbəbindən vəziyyət bir qədər daha kəskin olacaq”, – Kolyçev bildirib.