Zəngəzur dəhlizi və Şimal-Cənub Beynəlxalq Nəqliyyat Dəhlizi bir-birləri ilə rəqabət aparmayacaq.

Qarabaginfo.az xəbər verir ki, bunu Rusiya Təhlükəsizlik Şurasının katibi Sergey Şoyqu MDB Təhlükəsizlik Şurası katiblərinin 13-cü iclasından sonra jurnalistlərə bildirib.

Onun sözlərinə görə, Zəngəzur dəhlizi Azərbaycanı onun öz rayonları ilə birləşdirmək üçün lazımdır: “Hesab edirəm ki, hər iki yolun yalnız mövcud olmaq hüququ yoxdur, həm də Azərbaycanı onun öz rayonları ilə birləşdirmək və ölkələr arasında ticarət üçün nəqliyyat dəhlizləri yaratmaq lazımdır”.

Şoyqu xatırladıb ki, Şimal-Cənub Dəhlizi cənubun dərinliklərindəki limanları Şimal Buzlu Okeanı və Şimal Dəniz Yolu ilə birləşdirir: "Mən burada heç bir pis şey və heç bir rəqabət görmürəm”.

O, Rusiyanın yüksək inkişaf etmiş nəqliyyat şəbəkəsinə malik geniş bir ölkə olduğunu və istənilən yolun həmişə yaxşı bir şey olduğunu vurğulayıb.