Rusiya prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyev ABŞ və Rusiyanı “Putin-Tramp tuneli” ilə birləşdirməyi təklif edib.

Qarabaginfo.az xəbər verir ki, Dmitriyevin sözlərinə görə, Alyaska ilə Rusiya arasında "Putin-Tramp tuneli" səkkiz il ərzində tikilə bilər və bu tunel İlon Maskın “The Boring Company” texnologiyasından istifadə etməklə 8 milyard dollara başa gələ bilər.

Dmitriyev bunu “X” sosial media platformasında ABŞ-ın keçmiş prezidenti Con Kennedi ilə bağlı dərc edilmiş sənədləri şərh edərkən yazıb. 

Dmitriyev bəyan edib ki, Rusiya-Amerika birgə layihələri iş yerləri yaradır və iqtisadiyyatı stimullaşdırır, Berinq boğazı üzərindən keçən tunel isə birliyi simvollaşdırır və resursların birgə inkişafı üçün imkanlar açır.