Kiyev bu gecə Rusiya tərəfindən PUA hucumuna məruz qalıb.

Qarabaginfo.az bildirir ki, DİN Kiyevdə gecə hucumunda artıq 13 qurbanın olduğunu elan edib. Nazirin sözlərinə görə, Darnitski rayonunda yaşayış binasına hücum nəticəsində 12, Şevçenkivskidə isə daha 1 nəfər həlak olub.

Hüquq-mühafizə orqanlarının əməkdaşları onların arasında  2 yaşlı qız, 14 yaşlı oğlan və 17 yaşlı qız olmaqla üç uşaq olduğunu da təsdiqləyiblər

Dövlət Fövqəladə Hallar Xidməti bildirir ki, Rusiyanın gecə hücumu nəticəsində Kiyevin 8 rayonu, ən çox isə Darnitski və Dneprovski rayonlarına ziyan dəyib. Beş yerdə fövqəladə xilasetmə əməliyyatları davam edir.

Kiyevin meri Kliçko bildirib ki, sabah paytaxtda həlak olanlar üçün bir günlük matəm elan olunacaq.

Hucum zamanı Avropa İttifaqının Ukraynadakı missiyasının binası zədələnib.Bu barədə xarici işlər naziri Andriy Sibiqa məlumat verib və deyib ki, hücum Vyana Konvensiyasının birbaşa pozulmasıdır.

Kiyevdə Aİ missiyasının binası ilə yanaşı, British Council ofisi də zədələnib. Departamentdən bildirilib ki, dəyən ziyan böyükdür, ona görə də ofis növbəti xəbərdarlığa qədər bağlı olacaq.

Clash Report “Goran-3” PUA-larının  komponentlərinin fotolarını dərc edib.

Qeyd olunur ki, bu dronun yanacaq sistemində adətən mülki avtomobillərdə istifadə olunan Almaniyanın Bosch 0-580 yanacaq nasosu tapılıb. Həmçinin Çexiyada PBS Velká Bíteš tərəfindən istehsal olunan PBS TJ40-G2 mühərriki ilə təchiz olunub. Çin mənşəli SW400 pro mühərrikləri də istifadə olunur.