Azərbaycan Mərkəzi Bankının (AMB) ötən iclasından (30 oktyabr) bəri monetar şəraitdə əhəmiyyətli dəyişiklik baş verməsə də, pul bazası ilin əvvəlindən 3,3% artıb. Bu da gözləniləndən əhəmiyyətli aşağıdır.

Qarabaqinfo.az-in AMB-yə istinadən verdiyi məlumatına görə, ötən iclasdan bəri valyuta bazarında sabitlik davam edir və tarazlı valyuta bazarı şəraitində dollarlaşma göstəricilərində azalma müşahidə edilir.

Qeyd edək ki, bu ilin noyabrın 1-nə Azərbaycanda pul bazası 13 477,6 mln. manat təşkil edib. Bu, illik müqayisədə 2,7% çoxdur. Manatla pul bazası isə 12 103,6 mln. manat təşkil edib ki, bu da ilin əvvəli ilə müqayisədə 0,4% azdır.