ABŞ Prezidenti Donald Tramp qolf oynayarkən sui-qəsd qurbanı olmamaq üçün özünə güllə keçirməyən zirehli qolf maşını alıb.
Qarabaginfo.az “The Economic Times” nəşrinə istinadən xəbər verir ki, avtombil “Golf Force One” adlanır.
Trampın həmin avtomobili onun Şotlandiyaya səfəri zamanı qolf oynayarkən görüntülənib.
Bu, Pensilvaniyada mitinqdə sui-qəsd cəhdindən sağ çıxdıqdan sonra Trampın təhlükəsizlik tədbirlərinə son əlavə kimi xarakterizə edilir.

Avtomobilin zireh örtüyünün qolf sahəsində yaxın məsafədən qorunmanı təmin etdiyi bildirilir.

Xatırladaq ki, ötən il iyulun 13-də Pensilvaniya ştatında seçicilərlə görüş zamanı Donald Trampa qarşı sui-qəsd təşkil olunmuşdu. Hadisə nəticəsində o, sağ qulağının yuxarı hissəsindən güllə yarası almışdı.