ABŞ Ordusu Hind-Sakit okean regionunda Çinlə mümkün münaqişə halında istifadə olunacaq yeni mobil hərbi bölmələr yaradır.

Qarabaginfo.az xəbər verir ki, bu barədə Wall Street Journal nəşrinin yazıb.

Yeni konsepsiyaya əsasən, bu bölmələr geniş ərazilərə səpələnəcək, quru üzərindən Çin hədəflərinə zərbələr endirəcək, döyüş əməliyyatları zonasına dair qiymətli məlumatlar toplayacaq və ABŞ Hərbi Hava və Dəniz Qüvvələrinin manevr imkanlarını genişləndirəcək.

Bu bölmələrə artilleriya dəstəyi də veriləcək. Xüsusilə Typhon raket buraxılış qurğuları bu məqsədlə nəzərdə tutulur. Bu sistemlərdən biri artıq Filippin ərazisində yerləşdirilib. Typhon qurğusu materik Çin daxil olmaqla uzaq məsafəli hədəfləri vura biləcək imkanlara malikdir.