Ukrayna moratoriumun tətbiqinə baxmayaraq, Rusiya Federasiyasının enerji obyektlərinə təxribat və nümayişkaranə şəkildə hücum edir.

Qarabaginfo.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

Onun sözlərinə görə, martın 18-dən Rusiyanın enerji obyektlərinə 30-dan çox zərbə qeydə alınıb.

Zaxarova qeyd edib ki, Ukraynanın Rusiyanın enerji infrastrukturu obyektlərinə hücumları Qərb silahlarının köməyi ilə həyata keçirilir.

Rusiya XİN sözçüsü vurğulayıb ki, Kiyev bu hücumlarla Moskva ilə Vaşinqton arasında başlayan dialoqu pozmağa çalışır.