Son günlər Səudiyyə Ərəbistanında bir neçə konsert proqramının keçirilməsi iranlı mollaların Ər-Riyada qarşı bəyanat yaymasına səbəb olub.

Qarabaginfo.az xəbər verir ki, bu barədə Qum din mərkəzinə bağlı “Rəsa” saytı məlumat yayıb.

“İslam ümmətinin bir qrup din xadimi” imzası ilə tirajlanan bəyanat və təhdid yazısında Səudiyyə Ərəbistanı fahişəliyin təbliğində günahlandırılıb.

“Biz Ər-Riyad və Səudiyyə Ərəbistanının digər şəhərlərində fahişəliyin və əxlaqsızlığın yayılmasına səbəb olan fitnə-fəsad festivallarının keçirilməsini qətiyyətlə pisləyirik”, - iranlı mollalar bildiriblər.