Pentaqonun yüksək rütbəli rəsmiləri Ukrayna Silahlı Qüvvələrinə döyüş meydanında istifadə üçün ağ fosforlu sursat verməyi təklif ediblər, lakin Ağ Ev bu təşəbbüsü bir neçə dəfə rədd edib.
Qarabaginfo.az xəbər verir ki, bu barədə məlumatlı mənbələr NBC-yə bildiriblər.
Onların fikrincə, döyüş sursatları düşmən qoşunlarına qarşı istifadə üçün deyil, işıqlandırma və tüstü pərdəsi yaratmaq üçün istifadə edilməli idi.
Mənbə qeyd edib ki, müvafiq qərar qəbul olunarsa, onun ictimaiyyətə açıqlanması mümkün deyil.
Ağ fosfor oksigenə məruz qaldıqda dərhal alovlanan bir maddədir. Çox yüksək temperaturda yanır və onu söndürmək çətindir. Maddə geyimə, dəriyə və digər səthlərə yapışır və ölümcül yanıqlara səbəb ola bilər. Kiçik dozalarda belə ağ fosfor sümüklərə, sümük iliyinə və sərt toxumaların nekrozuna səbəb ola bilər, tənəffüs edilərsə, ağciyərləri yandırır.
ABŞ 1965-1973-cü illərdə Vyetnam müharibəsi zamanı, eləcə də 2004-cü ildə İraqda fosfor mərmilərindən istifadə edib.
