Azərbaycanla əlaqələrimizi nəzərəçarpan səviyyədə dərinləşdirməkdən məmnunuq.

Qarabaginfo.az xəbər verir ki, bunu Polşanın Azərbaycandakı səfiri Rafal Poborski Polşanın Konstitusiya gününə həsr olunmuş tədbirdə deyib.

Qeyd olunub ki, 2022-ci illə müqayisədə 2023-cü ildə Polşanın Azərbaycana ümumi ixracı 36%, ərzaq məhsulları üzrə isə təxminən 50% artıb: “Keçən il Polşaya 2022-ci ilə nisbətən 30% çox azərbaycanlı səfər edib və biz bu müddət ərzində tələbə vizası müraciətlərində 32% artım müşahidə etmişik. Azərbaycanda biznes imkanları axtaran Polyak sahibkarların marağının artdığını müşahidə edirik. Keçən həftə səfirliyimiz Azərbaycan bazarında biznes qurmaqda maraqlı olan 30-dan çox aqro-ərzaq şirkəti üçün onlayn seminar təşkil edib”.