İrəvan şəhərinin keçmiş meri Hayk Marutyan siyasi səhnədə aktivləşməyə qərar verib.
Qarabaginfo.az Ermənistan KİV-nə istinadən xəbər verir ki, H.Marutyan jurnalistlərə açıqlamasında tərəfdarları ilə birgə yeni partiya yaradacaqları barədə məlumatı təsdiqləyib.

“Bizim tərəfdarlardan ibarət böyük bir komandamız var, çoxdan partiyamızı yaratmağımıza tələb var idi”.

Marutyan 2018-ci ildən 2021-ci ilə qədər İrəvanın meri vəzifəsində çalışıb.

2018-ci il “Məxməri inqilab” zamanı etirazların aparıcı fiqurlarından olmuş Hayk Marutyan 2020-ci ildə hakim komandanı tərk edib.