2024-cü il fevralın 1-dən Rusiya vətəndaşları sosial müavinət və ödənişlərdə əhəmiyyətli artım hiss edəcəklər.

Qarabaginfo.az Rusiya KİV-nə istinadən xəbər verir ki, artımlar analıq kapitalı və birdəfəlik müavinətlər də daxil olmaqla geniş sosial ödənişlərə təsir edəcək.

Fevralın 1-dən sonra analıq kapitalı birinci uşaq üçün 631 min rubla, ikinci uşaq üçün isə 834 min rubla qədər artacaq. Amma bir şərtlə ki, ailə əvvəllər belə dəstəkdən istifadə etməsin. Bu artımın növbəti üç il ərzində 4 milyondan çox ailəni əhatə edəcəyi gözlənilir.

Hamilə qadınlara və aztəminatlı ailələrə verilən ödənişlər də artacaq.

Bu kateqoriyalı vətəndaşlar birdəfəlik müavinətlərin artımını hiss edəcəklər. Onlara ödəniləcək məbləği müvafiq bölgədə yaşayış dəyərinə bağlıdır. Artımın təxminən 300 min hamilə qadına təsir edəcəyi gözlənilir.

Əlillər, veteranlar, Rusiya Qəhrəmanları və digər kateqoriyadan olan vətəndaşlar üçün nəzərdə tutulan aylıq nağd ödənişlər 7,5% indeksləşdiriləcək. Bu dəstək tədbiri 15,5 milyondan çox insana kömək edəcək.
 

2024-cü ildə sosial ödənişlərin daha da artırılması nəzərdə tutulur. Müvəqqəti əlilliyə görə, həmçinin hamiləlik və doğuşa görə müavinətlər 1,5 dəfə artacaq.

Məbləği minimum əmək haqqına bağlı olan işsizlik ödənişləri də diqqətdən kənarda qalmayacaq. Onlar da indeksləşməsinə görə artacaqlar.