Anna Akopyan bu gün Kiyevdə birinci xanımların və həyat yoldaşlarının illik sammitində iştirak edəcək.

Ermənistanın baş naziri Nikol Paşinyanın həyat yoldaşı Anna Akopyan bu gün Ukraynanın birinci xanımı Yelena Zelenskayanın təşəbbüsü ilə üçüncü ildir ki, Kiyevdə keçirilən birinci xanımların və həyat yoldaşlarının illik sammitində iştirak edəcək.

Qarabaqinfo.az xəbər verir ki, N.Paşinyanın həyat yoldaşının iştirakı ilə bağlı məlumat sammitin saytında dərc olunub.

Ukrayna Prezidenti Vladimir Zelenski açılış nitqi ilə tədbir iştirakçılarını salamlayacaq

Builki sammitin mövzusu psixi sağlamlıqdır və qonaqlar panel müzakirələri zamanı çıxış edəcəklər.

Ermənistandakı “Azatutyun” radiosu dünən öyrənib ki, Ermənistan Rusiyanın Ukraynaya təcavüzündən sonra ilk dəfə Kiyevə humanitar yardım göndərib. Anna Akopyanın bu yardımı bu gün Kiyevdə təhvil verəcəyi gözlənilir.