Macarıstanın baş naziri Viktor Orban Rusiya prezidenti Vladimir Putin haqqında diqqətçəkən fikirlər səsləndirib.

Qarabaginfo.az TASS-a istindən xəbər verir ki, baş nazir Putin barəsində düşüncələrindən söz açıb və onun cinayətkar olmadığını bildirib.

"Şəxsən mənim üçün Vladimir Putin hərbi cinayətkar deyil", - o qeyd edib.

"Avropa İttifaqı nə Rusiyanı sanksiyalarla diz çökdürə bildi, nə də Ukraynada sülhə nail ola bildi. Fiasko Qərblə Ukrayna arasında əməkdaşlığın necə baş verməsidir. Ukrayna artıq suveren dövlət deyil, sülhün əldə olunması ondan yox, ABŞ-dan asılıdır", - Orban iddia edib.

Xatırladaq ki, Beynəlxalq Cinayət Məhkəməsi Rusiya liderinin hərbi cinayətkar kimi həbsinə qərar verib. Sözügedən qərara qarşı çıxan ölkələrdən biri məhz Macarıstandır. Serbiya ilə yanaşı, Macarıstan da Avropada Rusiyayönümlü hökumətə malik ölkə kimi tanınır.(modern.az)