Ermənistanın xarici işlər naziri Ararat Mirzoyan bu gün Suriyaya səfər edəcək.

Qarabaginfo.az "Sputnik Armenia"ya istinadən xəbər verir ki, bu barədə Ermənistan XİN məlumat yayıb.

Məlumata görə, o, zəlzələdən zərərçəkənlərə humanitar yardımın üçüncü partiyasını aparacaq. Bildirilib ki, Mirzoyan həmçinin Suriya prezidenti Bəşər Əsəd və suriyalı həmkarı Faysal Mekdadla görüşəcək.

Qeyd edək ki, bundan əvvəl Ermənistan baş naziri Nikol Paşinyan Suriyaya səfərin hazırlanması barədə açıqlama vermişdi.