Bu gün səhər saatlarından etibarən Azərbaycan vətəndaşları Türkiyənin Bakıdakı səfirliyinin qarşısına gəlirlər.

Qarabaqinfo.az-ın məlumatına görə, paytaxt sakinləri səfirliyin qarşısına gələrək, Türkiyədəki zəlzələdə həlak olan insanların xatirələrini anır, gül dəstələri düzürlər.

Xatırladaq ki, ötən gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Zəlzələ nəticəsində ölənlərin sayı 3419 nəfərə çatıb, daha 20534 nəfər yaralanıb.

Təbii fəlakətlə əlaqədar Türkiyə 7 günlük matəm elan olunub. modern.az